Ἄχραντε, ἀμίαντε, ἄναρχε, ἀόρατε, ἀκατάληπτε, ἀνε-
ξιχνίαστε, ἀναλλοίωτε, ἀνυπέρβλητε, ἄμέτρητε, ἀνεξίκακε
Κύριε· ὁ μόνος ἔχων ἀθανασίαν, φῶς οἰκῶν ἀπρόσιτον· ὁ
ποιήσας τόν οὐρανόν, καί τήν γῆν, καί τήν θάλασσαν, καί
πάντα τά δημιουργηθέντα ἐν αὐτοῖς· ὁ πρό τοῦ αἰτεῖσθαι
τοῖς πᾶσι τάς αἰτήσεις παρέχων· Σοῦ δεόμεθα καί σέ παρα-
καλοῦμεν, Δέσποτα φιλάνθρωπε, τόν Πατέρα τοῦ Κυρίου
καί Θεοῦ καί Σωτῆρος ἡμῶν ᾿Ιησοῦ Χριστοῦ, τοῦ δι᾿ ἡμᾶς
τούς ἀνθρώπους, καί διά τήν ἡμετέραν σωτηρίαν κατελ-
θόντος ἐκ τῶν οὐρανῶν, καί σαρκωθέντως ἐκ Πνεύματος
ἁγίου, καί Μαρίας τῆς ἀειπαρθένου, καί ἐνδόξου Θεοτόκου·
ὅς πρότερον μέν λόγοις διδάσκων, ὕστερον δέ καί ἔργοις ὑποδεικνύς,
ἡνίκα τό σωτήριον ὑφίστατο πάθος, παρέσχενμῖν ὑπογραμμόν
τοῖς ταπεινοῖς, καί ἁμαρτωλοῖς, καί ἀναξίοις
δούλοις σου, δεήσεις προσφέρειν ἐν αὐχένος καί γονάτων
κλίσεσιν, ὑπέρ τῶν ἰδίων ἁμαρτημάτων, καί τῶν τοῦ λαοῦ
ἀγνοημάτων.
Δεν υπάρχουν σχόλια:
Δημοσίευση σχολίου
Σας ευχαριστούμε.
Σημείωση: Μόνο ένα μέλος αυτού του ιστολογίου μπορεί να αναρτήσει σχόλιο.