ΒΟΡΕΙΑ ΘΑΛΑΣΣΑ- ΛΕΥΚΗ ΣΙΩΠΗ

Ὁ Θεός ὁ μέγας καί ὕψιστος, ὁ μόνος ἔχων ἀθανασίαν,

φῶς οἰκῶν ἀπρόσιτον· ὁ πᾶσαν τήν κτίσιν ἐν σοφίᾳ δημι-

ουργήσας, ὁ διαχωρίσας ἀνά μέσον τοῦ φωτός, καί ἀνά μέ-

σον τοῦ σκότους, καί τόν ἥλιον θέμενος εἰς ἐξουσίαν τῆς ἡ-

μέρας, σελήνην δέ καί ἀστέρας εἰς ἐξουσίαν τῆς νυκτός· ὁ

καταξιώσας ἡμᾶς τούς ἁμαρτωλούς, καί ἐπί τῆς παρούσης

ἡμέρας προφθάσαι τό πρόσωπόν σου ἐν ἐξομολογήσει, καί

τήν ἑσπερινήν σοι δοξολογίαν προσαγαγεῖν. Αὐτός, φιλάν-

θρωπε Κύριε κατεύθυνον τήν προσευχήν ἡμῶν, ὡς θυμίαμα

ἐνώπιόν σου, καί πρόσδεξαι αὐτήν εἰς ὀσμήν εὐωδίας. Πα-

ράσχου δέ ἡμῖν τήν παροῦσαν ἑσπέραν, καί τήν ἐπιοῦσαν

νύκτα εἰρηνικήν·

ἔνδυσον ἡμᾶς ὅπλα φωτός·

ρῦσαι ἡμᾶς ἀπό φόβου νυκτερινοῦ,

καί ἀπό παντός πράγματος ἐν σκότει

διαπορευομένου· καί δώρησαι ἡμῖν τόν ὕπνον, ὅν εἰς ἀνά-

παυσιν τῇ ἀσθενείᾳ ἡμῶν ἐδωρήσω, πάσης διαβολικῆς φα-

ντασίας ἀπηλλαγμένον. Ναί, Δέσποτα τῶν ἁπάντων, τῶν ἀ-

γαθῶν χορηγέ· ἵνα, καί ἐν ταῖς κοίταις ἡμῶν κατανυγόμενοι,

μνημονεύωμεν καί ἐν νυκτί τοῦ παναγίου ὀνόματός σου· καί

τῇ μελέτῃ τῶν σῶν ἐντολῶν καταυγαζόμενοι ἐν ἀγαλλιάσει

ψυχῆς διανιστῶμεν πρός δοξολογίαν τῆς σῆς ἀγαθότητος,

δεήσεις καί ἱκεσίας τῇ σῇ εὐσπλαγχνίᾳ προσάγοντες, ὑπέρ

τῶν ἰδίων ἁμαρτημάτων, καί παντός τοῦ λαοῦ σου, ὅν ταῖς

πρεσβείαις τῆς ἁγίας Θεοτόκου ἐν ἐλέει ἐπίσκεψαι. ῞Οτι ἀ-

γαθός καί φιλάνθρωπος Θεός ὑπάρχεις, καί σοί τήν δόξαν

ἀναπέμπομεν, τῷ Πατρί, καί τῷ Υἱῷ, καί τῷ ῾Αγίῳ Πνεύ-

ματι, νῦν, καί ἀεί, καί εἰς τούς αἰῶνας τῶν αἰώνων. ᾿Αμήν.