ΘΕΟΝΥΜΦΙΚΟΝ. ΠΑΤΗΡ ΔΙΟΝΥΣΙΟΣ ΤΑΜΠΑΚΗΣ.

 

ΠΑΡΑΣΚΕΥΗ

 

Ἦχος α΄.Τῶν οὐρανίων ταγμάτων.

Χαῖρε φωτός ἡ νεφέλη,καί στύλε πύρινε,τόν νοητόν εἰσάγων,Ἰσραήλ πρός ἀξίαν,κατάπαυσιν Παρθένε, Χαῖρε σεμνή,τοῦ Ἀδάμ ἡ ἀνόρθωσις καί τῶν δακρύων τῆς Εὕας ἀπαλλαγῆ.Χαῖρε κόσμου ἡ βοήθεια.

Χαῖρε λαβίς ἡ τόν θεῖον ἄνθρακα φέρουσα.Χαῖρε τῆς Ἐκκλησίας τό ἀπόρθητον τεῖχος,πιστῶν Χαῖρε τό κράτος.Χαῖρε βροτῶν,πρός Θεόν ἰλαστήριον.Χαῖρε μετάγουσα γέφυρα πρός ζωήν,τούς ὑμνοῦντας σέ Θεόνυμφε.

Χαῖρε Παντάνακτος Μήτηρ. Χαῖρε Βασίλισσα,τῶν βασιλίδων κόσμου, Θεοτόκε Μαρία.Χαῖρε τῶν ἀσθενούντων ἡ ταχινή, ἰατρεῖα καί λύτρωσις.Χαῖρε τρυφή Παραδείσου τοῦ ἐν Ἐδέμ,ἀσυγκρίτως ὑπερέχουσα.

Ἦχος β΄. Ὄτε ἐκ τοῦ ξύλου σέ.

Χαίροις ὁ ἀείρρους ποταμός,χαίροις  ἀνεξάντλητε κρήνη,πλήρης ὑδάτων πολλῶν,δι’ὧν καταρδεύεται ἡ κτίσις  ἅπασα καί καρδίαι εὐφραίνονται τηκόμεναι δίψει καί φλογμῷ κρατούμεναι τῶν παραπτώσεων. Χαίροις φωτεινόν του Δεσπότου καί τερπνόν παλάτιον Κόρη.Χαίροις τῶν ἁμαρτανόντων ἡ διόρθωσις.

Χαῖρε Παναγία ἀπαρχή,ἀνθρωπίνου γένους Παρθένε,ἐξ’ἤς ἀνέπλασε, φύσιν βροτῶν ἅπασαν,Χριστός ὁ Κύριος.Χαῖρε γῆ ἀγεώργητε καί ἄρουρα θεία ἡ καρποφορήσασα ζωῆς τόν ἄσταχυν. Χαῖρε Προφητῶν ἡ διόπτρα.Χαῖρε Ἀποστόλων ἡ δόξα.Χαῖρε τῶν Μαρτύρων τό κραταίωμα.

Χαῖρε τῆς ἀκτίστου καί κτιστῆς,φύσεως μεθόριον μόνη ἁγνή ὑπάρχουσα.Χαῖρε πολυσύνθετον χαρίτων Πάναγνε.Χαῖρε ἔμψυχος Δέσποινα,καλῶν ἀγαθῶν τέ,ἀνακεφαλαίωσις. Χαῖρε ἑστία κοινή,θείων ἀνθρωπίνων τέ ἅμα καί Ἀγγελικῶν Θεοτόκε, δωρεῶν καί μέγα οἰκητήριον.

 

Ἦχος γ΄. Ὁ τῷ πάθει σου Χριστέ.

Χαῖρε ὄχημα λαμπρόν,τοῦ Δεσπότου τῆς κτίσεως.Χαῖρε θερμόν βροτῶν ἰλαστήριον.Χαῖρε ἀπειρόγαμε.Χαῖρε ἡ Θεόν τοῖς ἀνθρώποις ἐνώσασα Ἄχραντε.

Χαῖρε ξένου καί φρικτοῦ,μυστηρίου φανέρωσις.Χαῖρε δι’ἤς ἠνοίχθη Παράδεισος.Χαῖρε θεία τράπεζα.Χαῖρε τό φθαρτόν παραδόξως ἁγνή ἀφθαρτίσασα.

Χαῖρε κόσμου θησαυρέ καί πενήτων προμήθεια.Χαῖρε τῶν δυστυχούντων τό στήριγμα. Χαῖρε ἀνόρθωσις πεπτωκότων.Χαῖρε ἀσθενούντων ἀκέστωρ καί ἴαμα.

 

Ἦχος δ΄. Ἔδωκας σημείωσιν.

Χαῖρε κραταιόταττον,παντός του κόσμου διάσωσμα,ἱσταμένων βεβαίωσις,πεπτωκότων ἔγερσις. Χαῖρε Θεοτόκε, πλούτε πτωχευόντων καί πενομένων θησαυρέ , τροφή πεινόντων. Χαῖρε Πανάσπιλε, θλιβομένων παράκλησις καί ἀσθενούντων ἐπίσκεψις. Χαῖρε μόνη βοήθεια,τῶν πιστῶς δεομένων σου.

Χαῖρε φαεινότατε,ὄρθρε πιστοῖς ἀνατείλασα,τόν ἀνέσπερον ἥλιον.Χαῖρε βάθος ἄμετρον,ἀπόρρητον ὕψος,φρικτοῦ μυστηρίου. Χαῖρε Ἀγγέλων χαρμονή.Χαῖρε φλογμόν ἀπάτης ἡ σβέσασα, τοῦ ἅδου χαῖρε νέκρωσις. Χαῖρε νεφέλη ὁλόφωτε, τοῦ Ἀδάμ ἡ ἀνόρθωσις. Χαῖρε πάντιμε Δέσποινα.

Χαῖρε ἐγκαλλώπισμα, παρθενευόντων καί καύχημα,οἰκουμένης Θεόνυμφε.Χαῖρε τοῦ ἀδάμαντος, λίθε ὄν προεῖδεν,Ἀμῶς ὁ προφήτης, ὄν οὐ παρέρχεται Θεός, ταῖς σαίς δεήσεσιν ἐπικλώμενος.Χαῖρε κόσμου ἐξίλασμα. Χαῖρε Ναέ τῆς Θεότητος.Χαῖρε γλυκύ ἐντρύφημα, τῆς πιστῶν γλώσσης Ἂχραντε.

Ἦχος πλ΄α΄. Χαίροις ἀσκητικῶν.

Χαῖρε Παρθενομῆτορ ἁγνή,δικαιοτέρα ἡ τοῦ Ἄβελ ὑπάρχουσα,τοῦ Σήθ τέ εὐσεβεστέρα,εὔελπις μᾶλλον Ἐνῶς,τοῦ Ἐνώχ δέ πλέον ἡ εὐάρεστος,τό γένος ἡ σώσασα,ὑπέρ Νῶε τόν δίκαιον.Ἡ πιστοτέρα Ἀβραάμ καί ὑπήκοος,μᾶλλον πέλουσα,Ἰσαάκ καί εἰς ὅρασιν, πλέον Θεοῦ ἡ φθάσασα, Ἰσραήλ καί νικήσασα,τόν Ἰωσήφ σαρκός κάλλει , ἡ πραοτέρα Μωσέως τέ.Θεοῦ χαῖρε Μήτηρ,τοῦ παρέχοντος τῷ κόσμῳ τό μέγα ἔλεος.

Χαίροις ἀνδρειοτέρα Σαμψῶν, γενναιοτέρα Ἰησοῦ στρατηγήσαντος. Δαβίδ τέ Βασιλίς μᾶλλον καί τοῦ σοφοῦ Σολομῶν, σοφωτέρα ὄντως χρηματίζουσα. Προφήτας ἡ ἅπαντας Θεοπτίᾳ νικήσασα. Καί Ἀποστόλους , ἐν τῷ θείῳ κηρύγματι.Καί τούς Μάρτυρας,ἐν τῇ βάσει τῆς πίστεως. Πάντων Ὁσίων τάγματα, ἐν πόνοις ἀσκήσεως, ὑπερτεροῦσα ἡ πάντων.Ἱεραρχῶν μᾶλλον ἔνΘεος.Θεοῦ χαῖρε Μήτηρ, τοῦ παρέχοντος τῷ κόσμῳ τό μέγα ἔλεος.

Χαίροις τῶν παλαιῶν γυναικών,δικαιοτέρα ἀσυγκρίτως ὑπάρξασα.Τῆς Σάρρας ἡ πιστοτέρα,ὡραιοτέρα Ραχήλ,τῆς Ρεββέκας μᾶλλον ἡ φιλότεκνος. Τῆς Λείας τό γόνιμον, ἡ νικήσασα Πάναγνε. Ὠδικοτέρα Μαριάμ χρηματίσασα,πλέον φρόνιμος Ἀβιγαίας ἡ πέλουσα. Ἰουδήθ ὑπεράρασα, ἀνδρεία Δεβόρραν τέ,μᾶλλον φιλόΘεος Ἄννης, ἡ τῆς Ὀλδᾶς θειοτέρα τέ.Χριστοῦ χαῖρε Μήτηρ, τοῦ παρέχοντος τῷ κόσμῳ τό μέγα ἔλεος.

Ἦχος πλ΄β΄. ¨Ολην ἀποθέμενοι.

Χαῖρε Παντοκράτορος, Θεοῦ δοχεῖον Παρθένε.Χαῖρε ἄστρον ἄδυτον.Χαῖρε πολυώνυμε.Χαῖρε πάνσεμνε,ἡ τό φῶς τέξασα,τῆς ἐν γῇ ἄμωμε καί τά πάντα καταυγάσασα.Χαῖρε παλάτιον, ἔμψυχόν του πάντων δεσπόζοντος. Χαῖρε τῆς Εὕας λύτρωσις καί τοῦ πρωτοπλάστου ἀνόρθωσις. Χαῖρε Θεοτόκε,κραταίωμα καί σκέπη τῶν πιστῶν.Χαῖρε βροτῶν ἡ ἀνάκλησις. Χαῖρε ἀπειρόγαμε.

Χαῖρε Ἀειπάρθενε, Παμφαεστάτη σελήνη,ἡ τό φῶς λαμβάνουσα,ἐξ’ἡλίου Πάναγνε τοῦ φωτίζοντος,νοητῶς ἅπασαν,δια σου τήν κτίσιν καί τό σκότος ἐκδιώκοντος.Χαῖρε ἡ καύσωνος καί δικαιοσύνης ἀκρότητα,ζυγοῦ τέ καί τοῦ λέοντος,ὥσπερ τῆς Παρθένου τό ζώδιον,τῇ σῇ μεσιτείᾳ, κεράσασα Πανύμνητε  ἠμίν καί τήν ὀργήν ἐκμειλίσσουσα,Θεοῦ Παντοκράτορος.

Χαῖρε ἐγκαλλώπισμα,παντός ὑπέρτερον κάλλους.Χαῖρε σεμνόν δώρημα,τιμῆς πάσης Ἄχραντε ὑψηλότερον, ἀστέκτου Θεότητος,ὅλης τό δοχεῖον.Σωτηρία μου Πανύμνητε,παρηγορία μου,ζωή ,φῶς, ἐλπίς , θυμηδία μου.Πνοή μου προστασία μου,μεσίτις ,γαλήνη καί καύχημα.Ὕμνος καί χαρά μου,τροφή μου βοηθός  καί φωτισμός,ἁγιασμός καί λαμπρότης μου,δόξα καί ἐπίσκεψις.

Ἦχος βαρύς. Σήμερον γρηγορεῖ.

Χαῖρε ἡ βύσσος ἡ λευκοτάτη καί κεκλωσμένη Πανάμωμε,βάθος νοημάτων,ἐν τῇ διανοίᾳ κλώσασα Παρθένε,Πνεύματος ἁγίου, ἐξ’ἤς ἐξυφάνθη ἡ πορφυροχρυσόμικτος, ἐπωμίς σαρκώσεως, τῶν ἄνω δυνάμεων,Τῷ ἱεραρχούντι καί τελεταρχούντι,Χριστῷ ὑπέρ ἔννοιαν.

Χαῖρε ἁγνή Κεχαριτωμένη,τό χαριέστατον ὄνομα καί πράγμα Θεοτόκε.Χαράς αἰωνίου,χάριεν χωρίον,τῆς τῶν προπατόρων ἀναίρεσις. Ὡς τῆς χαράς τόν αἴτιον , Παρθένε γεννήσασα καί χαράν βραβεύουσα,παντί τῷ σέ ὑμνούντι, δι’ἤς οὐρανός καί γῆ χαίρουσιν.

Χαῖρε ἀπαρακλήτου ψυχῆς μου,θυμηδεστάτη παράκλησις.Χαῖρε ἡ γλυκεία καί πρωϊνή δρόσος,τό εὔκρατον χαῖρε καί γαληνόν πνεῦμα. Ζεφύριος αὔρα,πνοή τέ ἀναψύχουσα,λεπτόν τέ Πανάχραντε καί ἠδύ ψιθύρισμα καί διασυρίζον,τούς φλεγομένους πυρί τῶν θλίψεων.

Ἦχος πλ΄δ΄. Ὤ τοῦ παραδόξου θαύματος.

Χαῖρε θανάτου καθαίρεσις,Παρθενομῆτορ ἁγνή,χαῖρε ἅδου ἡ νέκρωσις,τοῦ Ἀδάμ ἡ ἔγερσις καί τῆς Εὕας ἡ λύτρωσις.Χαῖρε Μαρτύρων σθένος ἀνίκητον.Χαῖρε Ὁσίων στολή Θεότευκτος.Χαῖρε διάσωσμα,κόσμου Παναμώμητε. Χαῖρε χαρά,πάντων τῶν ἐν θλίψεσιν, συνεχομένων σεμνή.

Χαῖρε τό ἄνθος τῆς πίστεως.Χαῖρε βροτῶν ἡ ἐλπίς.Χαῖρε τεῖχος ἀκράδαντον.Χαῖρε πόλις ἔμψυχε, τοῦ Δεσπότου τῆς κτίσεως.Τό τῶν μητέρων χαῖρε ὠράϊσμα καί τῶν παρθένων κάλλος παμπόθητον. Χαῖρε πανθαύμαστον,οἰκουμένης καύχημα.Χαῖρε Θεοῦ θεῖον ἐνδιαίτημα.Χαῖρε Θεόνυμφε.

Χαῖρε ἁπάντων ἐπίλογε,τῶν λόγων Κόρη σεμνή,πάσης βίβλου τελείωσις, παλαιᾶς τέ νέας τέ,μελωδῶν τό συμπέρασμα.Στοιχεῖον πάντων, γραμμάτων κρύφιον. Ἄλφα , Ὠμέγα, ἀρχή καί τέλος τέ,μετά τόν τόκον σου,σύ ὑπάρχεις Δέσποινα,ὅθεν τῇ σῇ,δυνάμει τά ἄσματα,ταῦτα τετέλεσται.