ΘΕΟΝΥΜΦΙΚΟΝ. ΠΑΤΗΡ ΔΙΟΝΥΣΙΟΣ ΤΑΜΠΑΚΗΣ.

 

ΤΕΤΑΡΤΗ

 

Ἦχος α΄.Τῶν οὐρανίων ταγμάτων.

Χαῖρε πιότατον ὅρος καί Θεοβάδιστον.Χαῖρε τό τῶν Ἀγγέλων,περιβόητον θαῦμα.Τό σθένος τῶν Μαρτύρων, Χαῖρε σεμνή, Ἱερέων ἀγλάϊσμα καί πενομένων ἀσύλητε θησαυρέ.Χαῖρε κλέος τῶν τιμώντων σέ.

Χαῖρε βασίλειον κράτος καί πύργε ἄσειστε.Χαῖρε πιστῶν ἡ δόξα, Θεοτόκε Παρθένε,ἀνόρθωσις πιπτόντων χαῖρε Ἁγνή καί διαβόλου κατάπτωσις καί ἀπογνώσεως πάσης ὅτι Χριστόν, τήν ἐλπίδα πάντων ἔτεκες.

Χαῖρε πλειάς τό τοῦ Πόλου ἄστρον λαμπρότατον, ἡ συνδεσμοῦσα πάντα, ὡς ἀστέρας σά τέκνα, κοινῶς τούς ὀρθοδόξους Χριστιανούς, καί ὡς Μήτηρ φιλόστοργος, σκέπουσα θάλπουσα τούτους καί οὐρανῶν, ἀξιοῦσα κατοικήσεως.

Ἦχος β΄.Ὄτε ἐκ τοῦ ξύλου σέ.

Χαῖρε πάσα κτίσις σοί βοᾶ.Χαῖρε Παναγία Παρθένε,Χαῖρε τό σκῆπτρον Δαβίδ.Χαῖρε ἡ βλαστήσασα βότρυν τόν πέπειρον.Χαῖρε πύλη οὐράνιε καί ἄφλεκτε βάτε.Χαῖρε φῶς παγκόσμιον.Χαῖρε Ἀγγέλων χαρά.Χαῖρε Ἀποστόλων τό κλέος.Χαῖρε τῶν Μαρτύρων ἀνδρεία καί τῶν ἀσκητῶν θεῖον ἐντρύφημα.

Χαῖρε ὄρος ὄντως ὑψηλόν,ὅρος ἀλατόμητον χαῖρε,ὅρος κατάσκιον,χαῖρε τό πιότατον ὅρος ὡς ψάλλει Δαβίδ.Χαῖρε ὅλης της κτίσεως,Κυρία Παρθένε.Χαῖρε ὅπλον ἄμαχον κατά βαρβάρων ἐχθρῶν.Χαῖρε ἀμυντήριον θεῖον,πάσης ἐπηρείας δαιμόνων.Χαῖρε καταφύγιον τῶν δούλων σου.

Χαῖρε τῆς ἀγάπης τῆς διπλῆς,πλάτος ἀδιόριστον Κόρη καί βάθος ἄπειρον,τῆς θείας σαρκώσεως Θεολογίας τέ, ὕψος ἀπερινόητον, προορισμοῦ θείου,μῆκος προαιώνιον ὑπεραγία σεμνή.Χαῖρε ἀκρωτήριον ὄντως τῆς καλῆς ἐλπίδος Παρθένε,τοῖς ὠκεανόν τοῦ βίου πλέουσιν.

Ἦχος γ΄. Ὁ τῷ πάθει σου Χριστέ.

Χαῖρε Μήτηρ τῆς ζωῆς.Χαῖρε ἀειμακάριστε,Ἀγγέλων θεωρία πανόλβιος καί βροτῶν τό καύχημα.Χαῖρε ἡ Χαράν τοῖς ἀνθρώποις πηγάσασα Δέσποινα.

Χαῖρε κροτάφων τῆς Χριστοῦ,Ἐκκλησίας ἀνάπαυσις καί ἀξιωμάτων Παναμώμητε,τῶν αὐτῆς ἡ ὑπόληψις.Χαῖρε νοητή πύλη ἤν διῆλθεν ὁ ὕψιστος.

Χαῖρε καλλονή Ἰακώβ,ἤν ὁ Δεσπότης ἠγάπησε.Χαῖρε αὐγή ἡ τόν ἥλιον φέρουσα, φωτίζοντα τά σύμπαντα.Χαῖρε ἡ φθορᾶς τούς βροτούς ρυσαμένη τῷ τόκῳ σου.

Ἦχος δ΄.Ἔδωκας σημείωσιν.

Χαῖρε τό ἠδύπνοον,ρόδον ἡ μόνη βλαστήσασα.Χαῖρε κάλλος πολύεκτον.Χαῖρε ἀπειρόγαμε.Χαῖρε σκεῦος θεῖον,πολυτίμου μύρου.Χαῖρε δι’ἤς πρός οὐρανόν, οἱ πρίν τεθνήξαντες ἀνηνέχθημεν, εἰς χάος ὀλισθήσαντες, τῇ κακουργίᾳ τοῦ ὄφεως. Τῶν πιστῶν φυλακτήριον, ἀρραγές χαῖρε ἄμωμε.

Χαῖρε τό ἀκένωτον ρεῖθρον ζωῆς ἡ πηγάσασα.Χαῖρε ράβδος βλαστήσασα, ἄνθος τό ἀμάραντον σεμνή Παναγία. Χαῖρε Θεοτόκε. Χαῖρε παγκόσμιος χαρά. Χαῖρε δι’ἤς Ἐδέμ ἀπελάβομεν.Χαῖρε ἡ μόνη σβέσασα τῆς ἀθεΐας τήν κάμινον,τοῦ Ἀδάμ χαῖρε ἔγερσις,τοῦ πεσόντος Πανύμνητε.

Χαῖρε τιμαλφέστατον τοῦ Βασιλέως παλάτιον. Χαῖρε Νύμφη ἀκήρατε.Χαῖρε βάτε ἄφλεκτε.Χαῖρε θεία κλίνη.Χαῖρε προστασία τῶν πεποιθότων ἐπί σοῖ.Χαῖρε Κυρία πάσης της κτίσεως.Χρυσοῦν θυμιατήριον.Χαῖρε πανθαύμαστε Δέσποινα.Χαῖρε θεῖε Παράδεισε,ζωῆς ξύλον βλαστήσασα.

Ἦχος πλ΄α΄. Χαίροις ἀσκητικῶν.

Χαίροις  τῶν γηγενῶν ἡ ἐλπίς,γῆ ἐκλεκτή καί καθαρά καί ἀμόλυντος, πηγή τέ ἐσφραγισμένη τοῦ Παρακλήτου σεμνή,σύ ὑπάρχεις μόνη Ἀειπάρθενε,ἐξ’ἤς οἱ ὑμνοῦντες σέ,σωτηρίαν εὐρίσκομεν.Γένους βροτείου ἡ τελεία ἀνάκλησις,χώρα εὔκαρπε,ἡ τόν στάχυν βλαστήσασα,γέφυρα ἡ μετάγουσα,ζωήν πρός τήν ἔνΘεον,ἡ κυβερνήτις ἡ θεία,χειμαζομένων ἡ ἄγκυρα,λιμήν σωτηρίας,τῶν ἐκ πόθου σέ ζητούντων ὁ εὐδιώτατος.

Χαίροις ἡ διαυγής καί λαμπρά,πηγή ἐξ’ἤς τό καθαρόν καί ἀθόλωτον, προῆλθεν ὕδωρ ποτίζον,τούς κρατουμένους φλογμῷ, ἁμαρτίας Κόρη καί κακώσεως.Αὐγή ἡ τόν ἥλιον ἐν τῷ κόσμῳ εἰσάξασα.Χαῖρε τήν πλάνην,τῆς ἀπάτης ἡ σβέσασα,καί πρός ἔνΘεον πίστιν πάντας ἐλκύσασα.Χαῖρε τό πολυπόθητον τοῖς πέρασιν ὄνομα,χαῖρε πιστῶν σωτηρία.Χαῖρε βροτῶν ἡ ἀνόρθωσις,Θεοῦ χαῖρε Μήτηρ τοῦ παρέχοντος τῷ κόσμῳ τῷ μέγᾳ ἔλεος.

Χαῖρε σοί προσφωνοῦμεν ἁγνή,τοῦ Ἀρχαγγέλου αἵ φυλαί τῆς γῆς ἄπασαι καί πόθω σέ εὐφημοῦμεν, προσάδοντες σοί θερμῶς.Χαῖρε θεία στάμνε μάννα φέρουσα,πηγή τό ἀείζωον καί γλυκύτατον βρύουσα νάμα Παρθένε,ἐξ ‘οὐ πάντες οἱ πίνοντες, ἐκκαθαίρομεν τήν ρυπώδη κακόνοιαν.Χαῖρε στήριγμα ἄσειστον,τοῦ κόσμου Πανύμνητε.Τῆς εὐσεβείας τό κράτος καί Ἐκκλησίας ἑδραίωμα.Θεοῦ χαῖρε Μήτηρ ,τοῦ παρέχοντος τῷ κόσμῳ τό μέγα ἔλεος

Ἦχος πλ΄β΄. Ὅλην ἀποθέμενοι.

Χαῖρε θεῖον σκήνωμα,Θεοῦ τοῦ πάντων Δεσπότου,χαῖρε τό ἐνίσχυμα καί μαρτύρων στέφανος ἁμαράντινος. Τῶν πιστῶν στήριγμα καί Ὁσίων δόξα.Χαῖρε Μήτηρ ἀπειρόγαμε. Χαῖρε τό καύχημα,τῶν ἐπουρανίων δυνάμεων.Τῶν προφητῶν ὑπόθεσις καί τῶν Ἀποστόλων τό κήρυγμα.Χαῖρε τῆς ἀπάτης,τήν πλάνην ἡ πατήσασα ἁγνή,ἁμαρτιῶν ἰλαστήριον. Χαῖρε Μητροπάρθενε.

Χαῖρε οἰκητήριον φωτός σεμνή Παναγία. Χαῖρε στύλε πύρινε,δι’οὐ ὠδηγήθημεν πρός οὐράνιον, οἱ φθορᾶς μέτοχοι, μακαρίαν δόξαν καί ἀνώλεθρον κατάπαυσιν.Χαῖρε ἡ ἄμπελος, βότρυν τῆς ζωῆς ἡ βλαστήσασα,γλεῦκος ἐναποστάζοντα καί μέθην κακίας ἐξαίροντα καί τῆς εὐφροσύνης,ποτίζοντα τόν οἶνον τούς πιστούς, Θεοῦ λοχεύτριαν Δέσποινα καθομολογούντας σέ.

Χαῖρε τό λαμπρότατον τοῦ βασιλέως Κυρίου καί φαιδρόν παλάτιον,χαίροις πόλις ἔμψυχέ του Παντάνακτος. Χαῖρε μόνη ἄρρηκτος καί βέβαια σκέπη,τῶν ἐν πίστει δεομένων σου.Χαῖρε διάσωσμα,κόσμου καί θερμόν ἰλαστήριον.Χαῖρε ἡ θείως σβέσασα τῆς πολυθεΐας τήν κάμινον.Χαῖρε τῶν Ἀγγέλων, ἡ θεία χαρμονή καί τῶν βροτῶν, ἡ κραταιά καί ἀνώλεθρος Δέσποινα βοήθεια.

Ἦχος βαρύς.Σήμερον γρηγορεῖ.

Χαῖρε ροδωνιά ἡ ἠδύπνους, ἡ ἐκ καλύκων βλαστήσασα, Παρθενίας ρόδον,ἐρυθρόν εὐῶδες, χαῖρε κρίνον θεῖον, ἐξ’οὐ ὁ τά κρίνα τοῦ ἀγροῦ ποικίλας, στολήν τήν ἀνήθευτον, σαρκός περιεβάλετο, προφύραν ἀποκρύπτουσαν Σολομονικήν, χαῖρε ἄνθος, πάσης  χροίας ποικιλλότερον.

Χαῖρε Βασιλίς τῶν βασιλίδων, ἡ Βασιλέα γεννήσασα,τῶν βασιλευόντων,οὐ ἡ Βασιλεία,Βασιλεία πέλει,πάντων τῶν αἰώνων. Χαῖρε τοῦ θανάτου,βασίλειον νικήσασα  καί ζωῆς ἀνοίξασα, Βασιλείαν πρόξενον.Βασιλεῖς ἤν σέβονται,χαῖρε Μαριάμ Παντοβασίλισσα.

Χαῖρε κουφοτάτη νεφέλη,ἡ τό γεῶδες του σκήνους σου καί βρῖθον ἐξ’ἄκρας ἁγνείας πλουτοῦσα,ἀερῶδες κοῦφον,λεπτότατον Κόρη,ἐν ᾑ Χριστός καθίσας, Ἠσαΐας ὡς ἔφησε,κατέβη εἰς Αἴγυπτον καί ταύτης χεοροποίητα,εἴδωλα συνέτριψε, καί εἰς θείαν γνῶσιν μετερρύθμισε

Ἦχος πλ΄δ΄. Ὤ τοῦ παραδόξου θαύματος.

Χαῖρε Παρθένε Θεόνυμφε.Χαῖρε πιστῶν ἡ ἐλπίς.Χαῖρε κόσμου καθάρσιον.Χαῖρε πάσης θλίψεως, ἡ τούς δούλους σου σώζουσα.Ἡ τοῦ θανάτου χαῖρε κατάλυσις.Ὁ ζωηφόρος χαῖρε Παράδεισος. Χαῖρε ἀντίληψις,τῶν προσκαλουμένων σέ. Χαῖρε Θεοῦ,θεῖον ἐνδιαίτημα καί ὄρος ἅγιον.

Χαῖρε Θεοτόκε Πάναγνε.Χαῖρε πηγή τῆς ζωῆς.Χαῖρε κλίμαξ οὐράνιε.Χαῖρε πάσης Δέσποινα καί Κυρία τῆς Κτίσεως,εὐλογημένη χαῖρε Πανάμωμε. Δεδοξασμένη χαῖρε ἀμόλυντε. Χαῖρε Πανύμνητε.Χαῖρε θεῖον σκήνωμα.Χαῖρε σεμνή.Χαῖρε Μητροπάρθενε, Νύμφη ἀνύμφευτε.

Χαῖρε Μητρόθεε Δέσποινα.Χαῖρε ἡ μόνη ἐλπίς,τῶν βροτῶν καί ἀντίληψις. Χαῖρε καταφύγιον.Χαῖρε λυχνία φωτός, ἠγλαϊσμένον χαῖρε παλάτιον,τό φωτοφόρον χαῖρε λαμπάδιον. Χαῖρε ἀμόλυντον,παρθενίας καύχημα.Χαῖρε πηγή, βρύουσα ἰάματα τοῖς προσιούσι σε.