PERËNDIA apo Egocentrizmi Ynë Vetjak ?

PERËNDIA  apo  Egocentrizmi  Ynë  Vetjak ?

Cila është qendra e jetës sonë ?

Është një virus më i rrezikshëm se virusi Covid 19, që akoma po mundon njerëzit këto kohë.

Është  Kryelartësia !

Kryelarti - nuk ka si kryefjalë PERËNDINË , por veten e tij.

Ai flet me shumë ashpërsi për gjithë njerëzit e tjerë, nga të cilët - e veçon veten e tij. 

Dhe thotë se, njerëzit janë të padrejtë, vjedhës e të keq.

Dhe pikërisht - është Kryelartësia - ajo që e ndërron boshtin kryesor të jetës së njeriut dhe e kthen atë në diçka tjetër.

Qendra e jetës së njeriut nuk është Perëndia, por kthehet egoja - Unë.

Është një marrëzi - çmenduri tragjike !

Dhe nga kjo - varet edhe marëdhëniet e tjera që ka njeriu me njerëzit e tjerë, se si i krijon ato.

Dhe prandaj, duhet t'i shtrojmë një pyetje vetes sonë dhe le ta bëjmë atë çiltërsisht dhe le të themi :

Çfarë është qendra e jetës tonë :

PERËNDIA - apo egocentrizmi ynë vetjak ?

Tragjedi bëhet - e kthehet egocentrizmi - në shumë familje, në shumë popuj, në mbarë qytetërimin.

Vëllezërit  e  mi  !

Le të lusim Zotin - Perëndinë, që të kuptojmë kryelartësinë tonë - nga e cila , vuajmë ne !

Të kërkojmë mëshirën e Perëndisë, që të na çlirojë nga ky virus kaq shumë i rrezikshëm.

Dhe, le të mos harrojmë frazën që na thotë Zoti ynë :

"Ai që ka për të lartësuar veten e tij, ai ka për t'u përulur."

Sepse :

" Zoti - Perëndia u vihet kundër njerëzve kryelartë !"

Pra, jo thjesht nuk i pranon ata - por i kundërshton ata. Ndërsa njerëzve që janë të përulur, Perëndia u fal Hirin e Tij.

Prandaj - që të ecim përpara në jetën tonë, le të themi me gjithë qënien tonë lutjen :

" O Zot - ndjemë mua mëkatarin !"

+  A N A S T A S I

Kryepiskopi  i  Kishës  Orthodhokse  Autoqefale  të  Shqipërisë